طبعا عمر ما خطر فى بالك السؤال ده (ابن الوز عوام ليه ) للأسف وبعد طول تفكير وبعد بحث غير مستنير لاقيت ان ابن الوز عوام عشان عنده واسطة .....
الواسطة هتلاقيها لما تفشل فى وظيفة وشخص تانى أقل منك يفوز بيها،وهتلاقيها لما زميلك يكون واخد أجازة ومع ذلك مرتبه كل شهر كان يجيله،وهتلاقيها لما تتعب من كتر الشغل وغيرك قاعد ماسيك مجلة يتسلى بيها ،وهتلاقيها وهتلاقيها لما تتقفل قدامك ابواب وتنفتح بدون أسباب وعجبى،،،،،،
نقول كمان
كل يوم اعلان وظايف .... فى الجريده بخط شيك
وانت طبعا تبقى شايف .....الوظيفه مناسبه ليك
والمفاجأه تبقى ساقط........وأنت مليون ميزه فيك
واللى جايب كارت ماشى ...واللى دافع واللى راشى
واللى جايب كارت ماشى ...واللى دافع واللى راشى
واللى خاله قريب غباشى ...ويبقى يعنى مالوش شريك
كل واحد ليه قريبه ......... أى فرصه أوام يجيبه
كل واحد ليه قريبه ......... أى فرصه أوام يجيبه
واللى بيعين نسيبه ....... وكان ضرورى يضحى بيك
كله رص قرايبه رصه....... والعيون ع الكرسى بصه
ويقولولك هى ناقصه ........ويسألونك مين واسطه ليك
وأنت تعمل ميت محاوله ....... والوظيفه تضيع مجامله
رغم إنك بيها أولى...........وحتى شكلك سمبتيك
رغم إنك بيها أولى...........وحتى شكلك سمبتيك
الحقيقة أول ما قريت الكلام ده قررت انقلهكوا لانه اكتر كلام بيعبر عننا وازاى الواسطة باقت تحكم حياتنا لكن كمان مش معنى كده ان احنا نتوقف عن الشغل .. لازم نتعب ونشتغل يمكن نوصل لهدفنا وعشان كده جبتلكوا النهاردة شوية وظايف
لو عايزين وظايف تانية ادخلوا هنا
ليست هناك تعليقات:
إرسال تعليق